Administrata Tatimore ka publikuar pagat referente për profesionet kryesore në sektorin e turizmit, duke paralajmëruar kontrolle të thelluara ndaj çdo tatimpaguesi që deklaron paga më të ulëta se këto nivele. Nisma është pjesë e planit sektorial të turizmit dhe synon rritjen e kontributeve për sigurimet shoqërore, me qëllim përmirësimin e pensioneve në vend, raporton skyweb.al.
“Tatimpaguesit duhet të deklarojnë saktë pagat reale të punonjësve. Çdo deklarim poshtë pragut referencë do të konsiderohet indikator risku dhe do të bëhet objekt i verifikimeve tatimore,” thuhet në njoftimin zyrtar.
Sipas listës së publikuar, disa nga pagat referente janë:
-
Kryekuzhinier/Kuzhinier: 140,000 lekë
-
Manaxher hoteli: 110,000 lekë
-
Shef pastiçerie: 130,000 lekë
-
Kamarier: 70,000 lekë
-
Recepsionist: 63,000 lekë
-
Sanitar, larës enësh, punëtor krahu: 60,000 lekë
Tatimet sqarojnë se krahasimi do të bëhet edhe për profesione të ngjashme me ato të listuara, duke përdorur si bazë pagën mesatare sektoriale. Synimi është reduktimi i informalitetit dhe rritja e kontributeve për sistemin e sigurimeve shoqërore.
Administrata Tatimore i bën thirrje të gjitha bizneseve në turizëm të përditësojnë deklarimet në përputhje me pagat reale, për të shmangur penalitete dhe hetime të mëtejshme.
LISTA
