Java ka nisur me një tjetër rënie të monedhave të huaja në tregun vendas, ndërsa leku vijon të ruajë pozitat e forta pa dhënë asnjë shenjë tërheqjeje.
Sipas të dhënave të publikuara nga Banka e Shqipërisë, më 14 prill 2026, dollari amerikan ka zbritur në 81.24 lekë, duke humbur 0.64 lekë vetëm në një ditë. Edhe euro ka shënuar rënie, duke u këmbyer me 95.73 lekë, me një ulje prej 0.07 lekësh.
Ndërkohë, paundi britanik ka mbetur i pandryshuar në 109.96 lekë, pa reflektuar luhatje në raport me një ditë më parë.
Të dhënat tregojnë se presioni mbi monedhat e huaja vijon, ndërsa leku nuk po ndikohet nga luhatjet, duke qëndruar në nivele të forta ndaj valutave kryesore.
Rënia e dollarit dhe euros në nisje të javës konfirmon tendencën e javëve të fundit, ku monedhat e huaja po humbasin terren gradualisht në tregun vendas. /skyweb.al
