Japan Airlines do të nisë nga muaji maj testimin e robotëve humanoidë në aeroportin Haneda të Tokios, në një përpjekje për të përballuar mungesën kronike të fuqisë punëtore në Japoni.
Robotët, të prodhuar nga kompania kineze Unitree, do të përdoren për transportimin e bagazheve dhe ngarkesave në pistën e aeroportit, një nga më të ngarkuarit në botë, që përpunon mbi 60 milionë pasagjerë çdo vit.
Projekti pilot, i cili do të zgjasë deri në vitin 2028, synon të lehtësojë ngarkesën fizike të punonjësve, në një kohë kur fluksi i turistëve po rritet ndjeshëm. Sipas drejtuesve të Japan Airlines, përdorimi i robotëve pritet të sjellë përfitime të rëndësishme për stafin, duke reduktuar lodhjen dhe duke rritur efikasitetin në operacionet tokësore./skyweb.al
