Monedha amerikane e ka nisur javën në rënie, duke humbur vlerë gjatë fundjavës. Këtë të hënë, dollari po blihet me 81.5 lekë dhe po shitet me 82.5 lekë, në krahasim me javën e kaluar.
Sipas kursit të këmbimit në tregun vendas, euro ka shënuar një rritje të lehtë në nisje të javës. Sot ajo blihet me 95.1 lekë dhe shitet me 95.8 lekë, më lart se një javë më parë.
Edhe franga zvicerane është forcuar gjatë dy ditëve të fundit ndaj lekut. Në tregun valutor vendas ajo po blihet me 104 lekë dhe po shitet me 105.1 lekë, duke regjistruar rritje krahasuar me javën e kaluar.
Në të njëjtën linjë, edhe paundi britanik e ka nisur javën pozitivisht. Këtë mëngjes ai po blihet me 109.6 lekë dhe po shitet me 110.8 lekë, duke shënuar rritje në raport me javën që lamë pas.
