Parlamenti Evropian ka miratuar paketën e parë të reformës për të drejtat e pasagjerëve ajrorë, e cila pritet të hyjë në fuqi në verën e vitit 2027, pasi të miratohet edhe paketa e dytë në tetor.
Ndryshimi më i rëndësishëm është se bagazhi i dorës (trolley), valixhja e vogël që vendoset në ndarjen sipër sediljeve, do të përfshihet në çmimin e biletës.
Deri tani, shumë kompani ajrore e tarifonin këtë shërbim veçmas.
Nga ana tjetër, pasagjerët që udhëtojnë vetëm me një çantë të vogël personale mund të paguajnë më pak.
Reforma parashikon edhe procedura më të thjeshta për kompensimet në rast vonesash ose anulimesh të fluturimeve.
Kompanitë ajrore do të kenë afate të përcaktuara për të informuar dhe për t’iu përgjigjur kërkesave të pasagjerëve.
Gjithashtu, forcohen të drejtat e familjeve dhe personave me aftësi të kufizuara.
Fëmijët nën 14 vjeç do të mund të ulen pranë prindërve pa pagesë shtesë, ndërsa personat me aftësi të kufizuara dhe gratë shtatzëna do të kenë të drejtë të udhëtojnë pranë shoqëruesit të tyre pa kosto shtesë.
Megjithatë, eurodeputetët paralajmërojnë se përfshirja e trolley-t në çmimin bazë mund të sjellë edhe një rritje të lehtë të çmimit të biletave, pasi kompanitë ajrore do ta përfshijnë këtë kosto që në momentin e blerjes. /skyweb.al
