Portugalia po kthehet në një nga vendet më tërheqëse në Europë për njerëzit ultra të pasur.
Sipas Euronews, duke iu referuar një studimi të firmës britanike Knight Frank, numri i personave me pasuri neto mbi 25 milionë euro është rritur me pothuajse 50% në pesë vitet e fundit.
Në vitin 2021, Portugalia kishte 1,462 individë ultra të pasur, ndërsa deri në vitin 2026 kjo shifër pritet të arrijë në 2,187.
Kjo do të thotë se vendi ka 725 banorë ultra të pasur më shumë se pesë vite më parë.
Një pjesë e tyre janë të huaj që kanë zgjedhur Portugalinë për të jetuar ose investuar, të tërhequr nga klima, siguria, cilësia e jetës dhe tregu i pasurive të paluajtshme.
Për vite me radhë, vendi u bë i njohur edhe për lehtësitë tatimore, përfshirë programin e “vizave të arta” dhe regjimin për jo-rezidentët.
Edhe pse këto përfitime janë kufizuar, Portugalia vijon të mbetet tërheqëse për kapitalin ndërkombëtar.
Rritja nuk lidhet vetëm me të huajt. Sipas ekspertëve, shumë portugezë janë pasuruar pas shitjes së kompanive ose hyrjes së fondeve të kapitalit privat në bizneset vendase.
Investimet në kompani, turizëm dhe pasuri të paluajtshme kanë krijuar një brez të ri të pasurish në vitet pas pandemisë.
Lisbonë, Porto, Cascais dhe Algarve mbeten zonat më të kërkuara nga blerësit e pasurive luksoze.
Ekspertët thonë se shumë investitorë të huaj nuk e shohin më Portugalinë vetëm si vend jetese, por edhe si investim afatgjatë.
Pavarësisht ndryshimeve në politikat fiskale, Portugalia mbetet një nga destinacionet kryesore europiane për të pasurit dhe tregun e pronave luksoze. /Euronews
