Ministria e Arsimit dhe Sportit u ka bërë thirrje prindërve të kryejnë brenda afatit regjistrimin online të fëmijëve në shkolla, duke kujtuar se aplikimet përmes platformës e-Albania janë të hapura deri më 31 korrik.
Sipas njoftimit të ministrisë, procesi i regjistrimit vlen për nxënësit që do të nisin klasën e parë, si edhe për ata që do të regjistrohen në klasën e dhjetë, në gjimnaze ose në shkolla të mesme të orientuara.
MAS u bën apel prindërve të respektojnë afatet, në mënyrë që çdo nxënës të nisë vitin e ri shkollor pa vonesa administrative.
Prindërit që ende nuk e kanë përfunduar procedurën mund ta kryejnë regjistrimin online në platformën e-Albania.
Në fund të njoftimit, Ministria e Arsimit përsërit thirrjen që aplikimi të mos shtyhet për ditën e fundit, për të shmangur ngarkesën e sistemit dhe vonesat e mundshme në procesin e regjistrimit.
