Kërcitja e gishtave është një zakon i përhapur, por ndryshe nga besimi i vjetër se ajo shkakton artrit, studimet shkencore tregojnë se nuk ka prova që kjo të rrisë rrezikun për osteoartrit.
Një nga rastet më të njohura është ai i mjekut Donald Unger, i cili për 50 vite kërciti rregullisht gishtat e dorës së majtë, ndërsa të djathtën nuk e kërciti. Në moshën 72-vjeçare, radiografitë treguan se nuk kishte artrit në asnjërën dorë.
Por çfarë e shkakton atë tingull karakteristik? Brenda nyjeve ndodhet lëngu sinovial, i cili lubrifikon kockat. Kur nyja tërhiqet ose përkulet, presioni brenda saj ndryshon dhe krijohen flluska gazi, shpërthimi i të cilave prodhon tingullin e “kërcitjes”.
Studime të ndryshme kanë krahasuar njerëzit që i kërcasin shpesh gishtat me ata që nuk e bëjnë këtë dhe nuk kanë gjetur lidhje mes këtij zakoni dhe osteoartritit.
Pra, sipas studimit nëse ju pëlqen të kërcisni gishtat, nuk ka arsye të mendoni se po i shkaktoni artrit nyjeve. Megjithatë, kërcitja e shoqëruar me dhimbje, ënjtje ose probleme të tjera të nyjeve duhet të vlerësohet nga një mjek.
Pershtatur nga BBC
/skyweb.al
