Ankesat për xhamat e tavaneve panoramike që thyhen papritur gjatë lëvizjes po shtohen ndjeshëm në SHBA.
Sipas të dhënave të autoritetit amerikan të sigurisë rrugore NHTSA, deri në fund të gushtit 2026 ishin raportuar afro 500 raste.
Numri pritet të kalojë rekordin e vitit të kaluar, kur u regjistruan rreth 550 ankesa.
Drejtuesit e mjeteve tregojnë se xhami copëtohet pa paralajmërim, shpesh me një zhurmë të fortë që ngjan me një krismë arme.
Në disa raste, incidentet kanë ndodhur në autostradë dhe pa ndonjë goditje të dukshme nga jashtë.
Problemi është raportuar në qindra modele makinash dhe te disa prej prodhuesve më të mëdhenj.
Mes modeleve që shfaqen më shpesh në ankesa janë Toyota RAV4, Hyundai Palisade, Kia Telluride dhe Honda CR-V.
Ekspertët përmendin si shkaqe të mundshme tensionin në xham, ndryshimet e temperaturës, goditjet e vogla nga gurët dhe defektet e prodhimit.
Megjithatë, deri tani nuk është identifikuar një shkak i vetëm që të shpjegojë të gjitha rastet.
Shqetësimi është rritur edhe për shkak se gjithnjë e më shumë makina të reja pajisen me tavane panoramike.
Në shumicën e rasteve përdoret xham i temperuar, i cili kur thyhet copëtohet në shumë pjesë të vogla.
Industria po orientohen gradualisht drejt xhamit të laminuar, i cili konsiderohet më i sigurt pasi nuk shpërndahet në kabinë pas thyerjes.
