Rritja e çmimeve të karburantit për avionët po detyron kompanitë ajrore me kosto të ulët “Ryanair” dhe “easyJet” të shkurtojnë mijëra fluturime gjatë sezonit dimëror, duke prekur dhjetëra mijëra pasagjerë që kanë rezervuar biletat paraprakisht.
Sipas IATA-s, çmimi i karburantit të aviacionit në Evropë ka arritur në 196 dollarë për fuçi, pothuajse dyfish krahasuar me fillimin e vitit. Drejtuesit e kompanive paralajmërojnë se kostot e larta mund të vazhdojnë, ndërsa kërkesa më e dobët gjatë dimrit po i shtyn të reduktojnë fluturimet.
Drejtori ekzekutiv i “easyJet”, Kenton Jarvis, ka njoftuar heqjen e 700 mijë vendeve nga orari dimëror, përveç shkurtimeve të mëparshme.
Sipas rregullave evropiane dhe britanike, pas anulimit të një fluturimi, pasagjerët kanë të drejtë të zgjedhin mes rimbursimit të plotë brenda shtatë ditësh dhe një udhëtimi alternativ drejt destinacionit. Ata këshillohen të shqyrtojnë me kujdes alternativat përpara se të pranojnë rimbursimin, pasi kështu heqin dorë nga e drejta për transport alternativ në kuadër të së njëjtës rezervim.
