Komisioni Federal i Tregtisë (FTC) në Shtetet e Bashkuara ka nisur një hetim ndaj shtatë kompanive të mëdha teknologjike për mënyrën se si chatbot-et e tyre me inteligjencë artificiale (AI) ndërveprojnë me fëmijët dhe të miturit.
Kompanitë nën hetim janë: Alphabet (kompania mëmë e Google), OpenAI, Character.ai, Snap, XAI (kompania e Elon Musk), Meta dhe Instagram (nën pronësinë e Metës).
FTC kërkon informacion mbi mënyrën se si këto kompani zhvillojnë chatbot, si i mbrojnë përdoruesit e mitur, si i kufizojnë moshat dhe si balancojnë fitimin me mbrojtjen e të miturve. Gjithashtu, po shqyrton mënyrën se si informohen prindërit dhe nëse fëmijët e ndjeshëm janë të mbrojtur mjaftueshëm.
Kjo lëvizje vjen pas shqetësimeve për ndikimin e AI tek të rinjtë. Disa familje kanë ngritur padi ndaj kompanive të AI-së, duke i akuzuar se kanë ndikuar në gjendjen mendore të fëmijëve dhe kanë kontribuar në vetëvrasje të mundshme.
Një rast i tillë është ai i Adam Raine, një 16-vjeçar nga Kalifornia, prindërit e të cilit po padisin OpenAI, duke pretenduar se ChatGPT e ka nxitur djalin e tyre të ndërmarrë veprime vetëshkatërruese. /Skyweb.al
