Gara sportive “Tiranathlon”, rikthehet këtë të diel në kryeqytet. Aktivitet bashkon tre disiplina – notin, çiklizmin dhe vrapin – në një itinerar që përshkon zonën e Liqenit të Farkës, duke promovuar njëkohësisht turizmin sportiv.
Për garantimin e sigurisë dhe mbarëvajtjen e eventit, Bashkia e Tiranës në bashkëpunim me Policinë e Shtetit ka hartuar një plan masash që parashikon kufizime të qarkullimit të automjeteve më 21 shtator, nga ora 08:00 deri në 13:00. Kufizimet do të prekin disa segmente rrugore si:
Rruga e “Tuneleve”,
Rruga “Daxhit”,
Rruga “Diga e Liqenit” Rruga “Panorama e Liqenit”,
Segmenti interurban TEG – Ura e Shkozës, si dhe bulevardet “Zhan D’Ark”, “Gjergj Fishta” dhe “Bajram Curri” (Ura Shkozë – Pallati me Shigjeta).
Gjithashtu, disa linja urbane do të devijojnë ose do të pezullohen përkohësisht gjatë zhvillimit të garës. Ndërkohë, lëvizja e mjeteve të emergjencës dhe Policisë do të vijojë normalisht. /Skyweb
