Sekretari i Përgjithshëm i NATO-s, Mark Rutte, dërgoi një video mesazh në Konferencën e Mbrojtjes Kibernetike të NATO-s që po zhvillohet në Tiranë.
Sipasë tij, Aleanca është më e vendosur se kurrë për të forcuar kapacitetet e saj në hapësirën kibernetike dhe për të përballuar çdo kërcënim që sfidon sigurinë kolektive.
“NATO do të bëhet më e fortë në hapësirën kibernetike”, deklaroi Rutte në një video-mesazh drejtuar pjesëmarrësve të konferencës. “Mbrojtja jonë do të përforcohet dhe do të jemi më rezistentë ndaj sulmeve”, tha Rutte.
Sipas tij, shkelja e hapësirës kibernetike mund të aktivizjë nenin 5 të aleancës.
“Ne jemi stërvitur, kemi kryer operacione në hapësirën kibernetike dhe kundërshtarët e dinë se shkelja e hapësirës mund të vënë në lëvizje nenin 5”, theksoi ai.
Në një kohë kur agresionet kibernetike janë kthyer në një mjet të përhapur i luftës hibride, Rutte tha se qëndrueshmëria dhe bashkëpunimi mes aleatëve është thelbësor. /Skyweb.al
