Aeroporti Ndërkombëtar i Vlorës, një nga projektet më ambicioze të infrastrukturës ajrore në Shqipëri, po përgatitet të hyjë në funksion me një nga pistat më të gjata në rajon — 3,200 metra.
Kjo pistë e gjatë pozicionon aeroportin mes të paktëve në Ballkan që kanë kapacitet për të përballuar të gjitha llojet e avionëve civilë, përfshirë edhe ata të kategorisë së rëndë dhe të distancave interkontinentale.
Çfarë avionësh mund të ulen dhe nisen?
Pista prej 3.2 kilometrash është projektuar për të përballuar:
✈ Avionë pasagjerësh me kabinë të ngushtë si Embraer 175/190/195; Airbus A220/ A319/A320/A321/A330/A340/A350, Boeing 737/ 757/ 767/ 777/ 787. Kategoria A321/A320 dhe Boeing 737 janë më të përdorurit në fluturimet europiane dhe rajonale.
✈ Avionë me kabinë të gjerë si Airbus A330, Boeing 787, Boeing 777 — përdoren kryesisht në linjat transatlantike dhe interkontinentale.
✈ Avionë Jumbo si Boeing 747 dhe Airbus A380.
Kjo e bën pistën e Vlorës të krahasueshme me atë të aeroportit të Zagrebit (3,250 m) apo të Beogradit (3,400 m), duke e pozicionuar si një nyje të mundshme të rëndësishme ajrore në jug të Shqipërisë.
Specifikimet teknike
Sipas të dhënave zyrtare, pista është:
E gjatë 3,200 metra
E gjerë 45 metra, në përputhje me standardet e ICAO-s
E ndërtuar për të përballuar ngarkesa të mëdha.
E planifikuar për të garantuar operacione në kushte të vështira meteorologjike, me ndihmë të sistemit të navigimit modern
Qëllimi i ndërtimit të pistës me këto përmasa është të mundësojë fluturime jo vetëm drejt destinacioneve europiane, por edhe drejt Lindjes së Mesme, Amerikës së Veriut dhe Azisë./skyweb.al
