Një studim i ri i publikuar në revistën PLOS Biology ka identifikuar pesë tipe të ndryshme gjumi, duke treguar se mënyra si flemë ndikon ndryshe në shëndetin mendor, funksionin e trurit dhe mirëqenien e përgjithshme.
Studiuesit analizuan të dhëna nga mbi 700 të rritur të shëndetshëm të moshës 22–36 vjeç, duke përfshirë zakonet e gjumit, gjendjen shpirtërore, shëndetin fizik, rezultatet në testet njohëse dhe imazhet e trurit. Ata zbuluan se nuk ka “gjumë të mirë” apo “të keq” në mënyrë universal, për secilin person, gjumi lidhet në mënyra unike me stresin, humorin dhe stilin e jetesës.
Pesë tipet e gjumit të identifikuara janë:
-gjumë i dobët dhe ankth i lartë; lodhje dhe zgjim jo i freskët.
-gjumë normal, por me simptoma stresi ose humori të ulët (“rezistencë e gjumit”).
-përdorim i shpeshtë i ilaçeve për gjumë, me rënie të lehta në kujtesë dhe ndjeshmëri emocionale.
-gjumë i shkurtër (më pak se 6–7 orë), i lidhur me vështirësi në vëmendje dhe kujtesë.
-gjumë i ndërprerë ose me vështirësi në frymëmarrje, shpesh i shoqëruar me ankth dhe probleme njohëse.
Sipas ekspertes së CNN, Dr. Leana Ëen, këto zbulime tregojnë se trajtimi i problemeve të gjumit duhet të jetë më i personalizuar, pasi gjumi ndikon ndryshe tek secili individ dhe lidhet ngushtë me shëndetin mendor dhe fizik. /Skyweb.al
