Garda e Republikës ka shpallur fituese kompaninë “Laviva Technologies” në një tender me vlerë afro 200 mijë euro me TVSH, që synon forcimin e masave të sigurisë për krerët e shtetit.
Blerja përfshin bllokues sinjali telefonik për automjete dhe zyra, si dhe pajisje për kontrollin e aksesit në institucionet qendrore. Procedura u zhvillua me ftesë të kufizuar, ku Lavivacfitoi me një ofertë që përbënte rreth 98% të fondit limit, sipas burimeve të Skyweb.al.
“Laviva Technogies” është futur vrullshëm në treg dhe sëfundmi është shpallur fituese edhe e tenderit për kamerat e sigurisë në Portin e Durrësit pasi kishte ofruar çmim më të lartë se konkurrentët.
Pavarësisht se kompani të tjera ofruan çmime më të ulëta, deri në 90 mijë euro më pak, Laviva u shpall fituese me argumentin e plotësimit të kritereve të certifikimeve teknike.
Ky vendim është kundërshtuar nga operatorët e tjerë dhe aktualisht procedura është bllokuar në Komisionin e Prokurimit Publik, ku është depozituar një ankesë që hedh dyshime mbi mënyrën e vlerësimit dhe përzgjedhjes së ofertave.
LEXO MË SHUMË:
