Një nga imazhet më të zakonshme që shoqërohet me Gjermaninë,një i ri bavarez me faqe të kuqe, i veshur me Lederhosen ose Dirndl dhe me gota të mbushura me birrë në duar, po humbet lidhjen me realitetin.
Siç raporton The Economist, gjermanët po pinë gjithnjë e më pak nga pija që dikur i identifikonte në mbarë botën.
Sipas të dhënave zyrtare, shitjet e birrës në Gjermani ranë me 6.3 për qind vetëm në gjysmën e parë të vitit 2025, duke vijuar trendin rënës të dekadave të fundit.
Konsumi për frymë ka rënë ndjeshëm krahasuar me kulmin e viteve ’90, ndërsa ndikues kryesor mbeten plakja e popullsisë, ndryshimi i zakoneve të jetesës dhe brezat e rinj që konsumojnë më pak alkool.
Në të njëjtën kohë, po rritet me ritme të shpejta prodhimi dhe konsumi i birrës pa alkool.
Prodhimi është dyfishuar në krahasim me një dekadë më parë dhe pritet që rreth një në dhjetë birra të shitura në vend të jetë pa alkool.
Industria e birrës po përballet me një treg në transformim, ku tradita po i lë vend trendeve të reja që favorizojnë shëndetin dhe moderimin në konsum./skyweb.al
