Debati mes aksionarëve të aeroportit të Vlorës mund të marrë përmasa ligjore .
Valon Ademi përfaqësues i kompanise 2 A e cila kryen shumicën e punimeve në aeroprtin e Vlorës ka akuzuar publikisht Behgjet Pasollin për mashtrim.
Një ditë m ë parë, Kapitali publikoi dokumente që konfirmonin se ka një përplasje dhe një tentativë për t’i marrë Pacollit aeroporton, ndërkohë që gazeta TemA shkruan se ka kontaktuar zotin Ademi dhe ka mësuar mbi raportet e investimeve brenda koncesionit ku aksionari 2A ka kryer volumin kryesor të punimeve kundrejt një marrëveshje ku 2A ka investuar 25 milion eurove kudrejt 13 milione që ka investuar kompania e Pacollit.
Pas kësaj ka lind konflikti për ristrukturimin final të aksioneve.
Përmes një reagimi në profilin social të kompanisë së tij 2A Group, Ademi i quan vendimet e Pacollit si një lojë të rrezikshme.
“Ka njerëz që prej vitesh e quajnë zhvillim atë që në të vërtetë është vetëm mbulesë për mashtrim. Ato shiten si vendime, por në thelb janë një lojë e rrezikshme që nuk i reziston kohës. Ironia e madhe është se ata që kanë blerë gjithmonë besim, kujtojnë se mund ta blejnë dhe sot. Por është vetëm çështje kohe sepse një lojë kaq e rrezikshme nuk mund të vazhdojë gjatë” shkruan Valon Ademi në reagimin e tij.
Reagimi i Valon Ademit rrëzon përgënjeshtrimin që Behgjet Pacolli publikisht dhe ngre pikëpyetje të reja mbi konfliktin ligjor brenda tyre.
