Ryanair ka njoftuar se do të rrisë shpërblimet për stafin që kap pasagjerë duke tentuar të marrin me vete bagazhe më të mëdha në bord, përtej rregullave të kompanisë.
Shefi ekzekutiv Michael O’Leary deklaroi në një konferencë për shtyp në Londër se bonusi për çdo bagazh të kapur në aeroportë do të rritet nga 1.5 euro në 2.5 euro duke filluar nga nëntori, ndërsa kufiri mujor prej 80 euro do të hiqet.
Sipas tij, rreth 200 mijë pasagjerë në vit paguajnë tarifa shtesë në aeroport për bagazhe më të mëdha, duke treguar se kompania ka ende “punë për të bërë për t’i eliminuar”.
Rregullat e bagazheve të Ryanair janë ndër më striktet në Evropë.
Vetëm një çantë e vogël, që vendoset nën ulësen përpara, përfshihet në biletën më të lirë. Çdo bagazh i madh që paraqitet në aeroportë duhet të dërgohet brenda avionit, me tarifa deri në 75 euro.
O’Leary ishte i prerë: “Nuk kërkoj ndjesë për këtë. Dua që stafi të kapë njerëzit që përpiqen të mashtrojnë sistemin. Jam ende i habitur nga numri i pasagjerëve me çanta shpine që mendojnë se nuk do t’i vëmë re. Ne do t’i shohim dhe ata do të paguajnë. Nuk hipni nëse nuk zbatohen rregullat.” /skyweb.al
