Një numër gjithnjë e më i madh adoleshentësh dhe të rriturish po heqin dorë nga smartphone-t për t’iu kthyer të ashtuquajturve “dumbphones”, telefona minimalistë që bëjnë vetëm thirrje, telefonike, mesazhe dhe navigim bazik.
Ky trend po përhapet si një formë rebelimi ndaj varësisë nga rrjetet sociale dhe kohës së humbur online.
Studimet tregojnë se përdorimi i platformave sociale aktivizon trurin në të njëjtën mënyrë si substancat narkotike, duke krijuar varësi të fortë.
Për këtë arsye, shumë njerëz po zgjedhin alternativa të thjeshta që ofrojnë më pak shpërqendrim dhe më shumë qetësi.
Një shembull është 16-vjeçari Luke Martin nga Kanadaja, i cili pasi hoqi dorë nga smartphone-i uli përdorimin e ekranit nga katër orë në ditë në vetëm 20 minuta.
Ai thotë se kurrë nuk është ndier më i lumtur.
Prindërit po bëhen pjesë e këtij ndryshimi, duke i ofruar fëmijëve telefona minimalistë, por shpesh edhe duke i përdorur vetë.
Pajisje si Wisephone II, që ka dizajn modern por mungesë të rrjeteve sociale dhe aplikacioneve të pafundme, po udhëheqin këtë lëvizje të re të “teknologjisë së kufizuar me qëllim”.
Ndërkohë që gjigantët e teknologjisë përfitojnë nga ekrani i pafund, startup-et e vogla dhe lëvizjet komunitare po nxisin një kulturë të re: krijimin e zakoneve digjitale më të shëndetshme.
Siç e përshkruan një prind: “T’u japësh fëmijëve një smartphone është si t’u dorëzosh botën në dorë, pa asnjë hartë udhëzuese.”
Po ju, do ta braktisnit celularin aktual për një tjetër me tastierë, si dikur?
/skyweb.al
