Ministri i Kulturës dhe Turizmit Blendi Gonxhja ka shpërndarë një postim, duke dhënë shifra konkrete për pasagjerët që përdorën Aeroportin Ndërkombëtar të Tiranës.
Sipas shifrave, 1 milion e 717 mijë pasagjerë u regjistruan në aeroportin më të rëndësishëm në vend.
Rekordi është vendosur në 17 gusht, ku ka pasur mbi 60 mijë pasagjerë dhe u shënuan 326 fluturime në një ditë.
“Pas një korriku me afro 1 milion e 650 mijë pasagjerë, 28.1% më shumë se një vit më parë, këto rezultate konfirmojnë një trend të qëndrueshëm rritjeje dhe një Shqipëri gjithnjë e më të lidhur me Europën dhe botën.
Edhe vlerësimet europiane e konfirmojnë këtë ecuri, duke e renditur Tiranën ndër aeroportet me rritjen më të shpejtë në kategorinë e aeroporteve të mëdha”, deklaron ministri.
