Presidenti amerikan, Donald Trump, ka kërkuar zëvendësimin e termit “inteligjencë artificiale”, të njohur gjerësisht me shkurtesën IA, me termin “superinteligjencë” në dokumentet zyrtare dhe materiale të tjera.
Në një postim në platformën e tij Truth Social, Trump argumenton se termi “artificiale” nuk e përshkruan saktë këtë teknologji, pasi mund të krijojë përshtypjen se ajo është e rreme ose jo e mirëfilltë.
Kreu i Shtëpisë së Bardhë po përpiqet prej disa javësh të promovojë emërtimin “superinteligjencë”, në vend të termit të konsoliduar “inteligjencë artificiale”. Sipas tij, synimi është që ky emërtim të përdoret më gjerësisht në komunikimet dhe dokumentet zyrtare.
Trump ka shkuar edhe më tej në qëndrimin e tij, duke paralajmëruar se Shtëpia e Bardhë do t’i konsiderojë “armiq” ata që vijojnë të përdorin termin AI.
Megjithatë, mediat amerikane vazhdojnë të përdorin kryesisht termin tradicional “inteligjencë artificiale”. Ndërkohë, sipas raportimeve, disa drejtues të kompanive të teknologjisë kanë nisur të përdorin publikisht termin “superinteligjencë”, të cilin presidenti amerikan synon ta kthejë në emërtimin e preferuar për këtë teknologji. /skyweb.al
