Presidenti i Republikës, Bajram Begaj ka dekretuar ligjin për ndarjen e re administrativo-territoriale të njësive të qeverisjes vendore në Shqipëri, i cili parashikon reduktimin e numrit të bashkive nga 61, në 46.
Presidenti i Republikës, Bajram Begaj ka dekretuar ligjin për ndarjen e re administrativo-territoriale të njësive të qeverisjes vendore në Shqipëri, i cili parashikon reduktimin e numrit të bashkive nga 61, në 46.
Pesëmbëdhjetë bashki në vend parashikohet të përfshihen në një proces bashkimi, sipas ndarjes së re territoriale. Mes tyre janë Fushë-Arrëzi, Klosi, Rrogozhina, Dimali, Poliçani, Patosi, Divjaka, Selenica, Maliqi, Këlcyra, Memaliaj, Libohova, Cërriku, Belshi dhe Përrenjasi.
Sipas skemës së propozuar, Fushë-Arrëzi do t’i bashkohet Pukës, Klosi Matit dhe Rrogozhina Kavajës. Në qarkun e Beratit, bashkitë Dimal dhe Poliçan do të përfshihen në bashkinë Berat.
Në qarkun e Elbasanit, Cërriku dhe Belshi parashikohet t’i bashkohen bashkisë Elbasan, ndërsa Përrenjasi do të bashkohet me Librazhdin. Në qarkun e Fierit, Patosi do të përfshihet në bashkinë Fier dhe Divjaka në atë të Lushnjës.
Pas zbatimit të organizimit të ri territorial, vendi parashikohet të ndahet në 46 bashki, 71 qytete përbërëse dhe 387 njësi administrative. Çdo bashki do të ketë një kryetar, një këshill bashkiak, një administratë dhe një buxhet të vetëm. Ndërkohë, qytetet përbërëse do të kenë rol në koordinimin administrativ dhe organizimin e shërbimeve për banorët.
