SPAK, në bashkëpunim me Policinë e Shtetit, po zhvillon këtë të premte një operacion për ekzekutimin e disa masave të sigurisë ndaj personave të dyshuar për trafik narkotikësh dhe pastrim parash.
Mes personave për të cilët është caktuar masa e sigurisë “arrest në burg” janë Artur Shehu dhe Ilir Shtufi.
Hetimet lidhen me dyshimet për trafikimin e lëndëve narkotike dhe pastrimin e shumave të mëdha të parave, në kuadër të një grupi të strukturuar kriminal.
Urdhër arresti është lëshuar edhe për biznesmenin Orest Sota.
Forcat e Policisë po kryejnë veprimet për lokalizimin dhe arrestimin e personave ndaj të cilëve janë lëshuar masat e sigurisë.
Ende nuk është bërë i ditur numri i plotë i personave të përfshirë në operacion dhe as roli konkret që dyshohet se ka pasur secili prej tyre.
Operacioni vijon, ndërsa pritet që SPAK dhe Policia e Shtetit të japin më shumë hollësi mbi hetimin dhe rezultatet e tij.
