Autoriteti Rrugor Shqiptar ka njoftuar se sot do të kryhet një shpërthim i kontrolluar në kuadër të punimeve për ndërtimin e bypass-it të Sarandës.
Ndërhyrja do të zhvillohet pranë fshatit Shën Vasil, në afërsi të guroreve Volloder, dhe ka si qëllim hapjen e trasesë së rrugës.
Sipas ARRSH, shpërthimi i kontrolluar me sasi të vogla eksplozivi do të kryhet më 6 korrik 2026, nga ora 09:00 deri në 10:00.
Autoriteti bën të ditur se procesi është koordinuar me strukturat e Policisë së Shtetit, të cilat do të marrin masat për menaxhimin e trafikut dhe garantimin e sigurisë së qarkullimit gjatë punimeve.
ARRSH kërkon mirëkuptimin e qytetarëve dhe drejtuesve të mjeteve deri në përfundimin e procesit.
