Pas ngadalësimit të shënuar në prill dhe maj, regjistrimet për herë të parë të automjeteve në vend janë rritur sërish gjatë muajit qershor.
Të dhënat e publikuara nga Drejtoria e Përgjithshme e Shërbimeve të Transportit Rrugor tregojnë se në qershor u regjistruan për herë të parë 9,915 mjete. Ky është niveli më i lartë mujor për vitin 2026 dhe i afrohet kufirit të 10 mijë automjeteve.
Për të gjithë 6-mujorin e parë të vitit, numri i mjeteve të regjistruara për herë të parë arriti në gati 49 mijë. Krahasuar me periudhën janar-qershor 2025, rritja është rreth 3%.
Ky është niveli i dytë më i lartë i regjistrimeve në një 6-mujor, pas rekordit të vitit 2024, kur u regjistruan 50.3 mijë mjete.
Sipas të dhënave të DPSHTRR, në fund të qershorit në vend qarkullonin gati 1.1 milionë automjete. /skyweb.al
