Avioni Embraer E195-E2 po fiton terren me një shpejtësi, të cilin Boeing nuk mund ta shpërfillë.
Me përmirësimet e fundit që kanë reduktuar konsumin e karburantit edhe me 2.5%, ky model rezulton mbi 12% më efikas krahasuar me rivalin kryesor Boeing 737 MAX 8.
Falë trupit më të vogël, E195-E2 shmang kapacitetet e tepërta në linjat me kërkesë të kufizuar, ndërsa kabina e rikonceptuar shton katër ulëse të tjera pa cënuar komoditetin.
Këto ndryshime përkthehen në mbi 5 milionë dollarë të ardhura shtesë potenciale për çdo avion, duke e bërë E2 një zgjedhje tërheqëse për kompanitë që operojnë fluturime të mesme me kërkesë më të ulët, ku 737 konsiderohet më i rëndë dhe më i kushtueshëm.
Përveç kursimeve në karburant, Embraer E195-E2 ofron fleksibilitet unik.
Performanca në pista të shkurtra e bën të përshtatshëm për aeroporte të vogla, ndërsa rrezja prej 3 600 km hap mundësi për tregje të reja “point-to-point”, specifikisht për kompanitë low cost.
Kostot më të ulëta të mirëmbajtjes, sistemet e përmirësuars dhe reduktimi i degradimit të motorëve shtojnë miliona dollarë vlerë në ciklin e jetës së avionit.
Kompani si Azul, Porter, KLM Cityhopper dhe Binter Canarias kanë investuar tashmë në këtë model, duke dëshmuar se E2 po transformon rrjetet rajonale dhe transkontinentale.
Vonesat dhe mungesa e ofertave të përshtatshme nga Boeing vetëm sa forcojnë pozitën e Embraer në këtë segment.
Embraer E195-E2 është avioni më i madh i familjes “E2-Jets”, një version i përmirësuar i linjës E-Jet të prodhuesit brazilian Embraer S.A., i cili konsiderohet si kompania e tretë më e madhe në botë për prodhimin e avionëve pas Boeing dhe Airbus.
E195-E2 është projektuar për të ofruar efikasitet më të madh në konsum karburanti, mirëmbajtje më të ulët dhe fleksibilitet operativ në tregjet rajonale dhe ato me kërkesë mesatare. /skyweb.al
