Në ishujt e Skandinavisë, ku jetesa shpesh është e lidhur me tragete apo ura për të arritur shërbimet bazë, një startup norvegjez po sjell një risi. Kompania Aviant ka nisur shërbimin e parë të shpërndarjes së ushqimit me dron, duke filluar nga ishulli suedez Värmdö.
Ndërsa banorët e qyteteve e marrin si të mirëqenë mundësinë për të porositur ushqim të ngrohtë në derë, për banorët e ishujve ky shërbim ka munguar. Me këtë projekt, Aviant synon të thyejë izolimin dhe të ofrojë një zgjidhje moderne për një nevojë të përditshme.
Suedia, Norvegjia dhe Finlanda së bashku numërojnë gati 700 mijë ishuj, më shumë se çdo vend tjetër në botë, dhe shpërndarja me dron shihet si një hap i rëndësishëm për të përmirësuar jetën në zonat më të largëta të tyre. /Skyweb.al
