Ferrari ka prezantuar teknologjinë që do të përdoret në Elettrica, modelin e parë elektrik të kompanisë. Në skenë u ekspozua vetëm korniza, struktura me baterinë dhe motorin elektrik, pa pjesë të jashtme apo rrota. Makina do të jetë një model me katër dyer dhe me karakteristikat tipike të Ferrari, shpejtësi maksimale rreth 310 km/orë dhe autonomi prej të paktën 530 km.
Një nga elementët dallues është sistemi i veçantë i tingullit, Ferrari nuk do të “imitojë” zhurmën e motorit me zhurma artificiale, por do të amplifikojë dridhjet që vijnë nga poëertrain‑i elektrik për të krijuar përvojën karakteristike akustike të markës.
Ferrari e përshkruan jo si zëvendësim të linjës ekzistuese me motorr tradicional. CEO Benedetto Vigna tha se makina është pjesë e programit për diversifikim, duke synuar që deri më 2030 të përbëjë 20% të ofertës së kompanisë.
Prodhimi i Elettrica pritet të fillojë pas prezantimit zyrtar global dhe çmimi parashikohet të jetë të paktën 500,000 euro. /Skyweb.al
