Monedha kombëtare e Turqisë ka zbritur në nivelin më të ulët të regjistruar ndonjëherë ndaj dollarit amerikan, duke arritur në vetëm 0.02454 USD për një lira.

Grafiku i kursit tregon një rënie të pandërprerë që nga viti 2014, me humbje të theksuara sidomos pas vitit 2018 dhe një përshpejtim të dobësimit pas vitit 2021.

Në harkun e një dekade, lira ka humbur mbi 95 % të vlerës ndaj dollarit, një zhvillim që reflekton inflacionin e lartë të brendshëm, politikat monetare jo-konvencionale dhe mungesën e besimit të investitorëve ndërkombëtarë.

Ekspertët theksojnë se faktorët kryesorë për këtë zhvlerësim janë ulja e normave të interesit pavarësisht inflacionit të lartë, deficitit të llogarisë korrente, krizave të përsëritura valutore dhe pasigurive gjeopolitike në rajon.

Rënia e lirës ka rritur kostot e importit dhe ka ushtruar presion shtesë mbi çmimet e brendshme, duke përkeqësuar fuqinë blerëse të qytetarëve.

Banka Qendrore e Turqisë ka ndërhyrë disa herë në treg për të frenuar humbjet, por pa arritur të ndalojë trendin afatgjatë të zhvlerësimit.

Analistët paralajmërojnë se në mungesë të reformave strukturore dhe rikthimit të politikave monetare tradicionale, lira mund të vazhdojë humbjet edhe në muajt e ardhshëm, duke rritur pasigurinë ekonomike në vend./skyweb.al