Revista prestigjioze britanike Time Out rendit Tiranën mes 10 qyteteve botërore më tërheqëse për turizëm kulturor në vitin 2026, duke e cilësuar kryeqytetin shqiptar si një “zbulim modern mesdhetar, që kombinon historinë komuniste, arkitekturën eklektike dhe shpirtin e gjallë të Ballkanit”.
Në artikullin e publikuar më 17 gusht 2025, Tirana vihet krah destinacioneve në rritje si Tbilisi (Georgia), Medellín (Kolumbi) dhe Busan (Kore e Jugut).
Time Out thekson se “jeta e natës së qytetit, ekspozitat bashkëkohore, rrugicat e Bllokut dhe rikualifikimi urban i ish-zonave industriale” kanë bërë që Tirana të tërheqë vëmendjen e turistëve të rinj europianë dhe aziatikë.
Ndër atraksionet kryesore të përmendura janë Sheshi Skënderbej, zona e “Pazarit të ri”, muzeumet, si dhe rrjeti i kafeneve e festivaleve që zhvillohen gjatë gjithë vitit.
Listimi i bërë nga Time Out pritet të nxisë më tej fluksin e vizitorëve në kryeqytet në vitin 2026, njëkohësisht me projektet e reja të infrastrukturës dhe zgjerimit të kapaciteteve akomoduese./skyweb.al
