Tregu i arit në Londër po përgatitet të prezantojë një formë të re digjitale të arit, një nismë që pritet të transformojë tregtinë e metalit më të çmuar në botë.
Sipas Financial Times, Këshilli Botëror i Arit (World Gold Council) po punon për të krijuar një mekanizëm që do të lejojë tregtimin, shlyerjen dhe përdorimin e arit si kolateral në mënyrë digjitale.
Kjo formë e re, e njohur si “pooled gold interests” (PGIs), do të mundësojë për herë të parë kalimin e arit në mënyrë digjitale brenda ekosistemit global, duke e bërë më të aksesueshëm dhe më të përdorshëm për bankat, fondet dhe investitorët. Testimet e para pritet të nisin në Londër gjatë fillimit të vitit të ardhshëm, me pjesëmarrjen e aktorëve kryesorë të tregut.
“Do të krijojmë mundësinë që ari të përdoret si kolateral digjital, duke rritur transparencën dhe efikasitetin në tregun e tij,” u shpreh David Tait, drejtor ekzekutiv i World Gold Council.
Megjithatë, jo të gjithë janë të bindur.
Disa prej aktorëve tradicionalë të tregut të arit kanë shfaqur skepticizëm, duke vënë në dyshim nevojën për këtë format të ri digjital.
Pavarësisht rezervave, Këshilli Botëror i Arit dhe Shoqata e Tregut të Arit në Londër (LBMA) janë optimistë se ky hap do të hapë një epokë të re për metalin e çmuar, duke kombinuar sigurinë e arit fizik me fleksibilitetin e teknologjisë digjitale. /skyweb.al
