Shqipëria, si një destinacion I ri po bëhet gjithnjë e më shumë i preferuar për udhëtarët që kërkojnë eksperienca autentike dhe të përballueshme në Europë. Një udhëtare australiane, Jenny Heëett, ka kaluar dy javë duke eksploruar vendin me makinë, duke zbuluar thesaret e fshehura të vendit.
Sipas saj, qarkullimi me makinë në Shqipëri kërkon guxim, pasi sjell sfida të veçanta: shoferë të shpejtë, përdorim i zellshëm i borisë dhe rregulla të paqarta në trafikun lokal. Megjithatë, marrja me qira e makinës mbetet mënyra më e mirë për të vizituar jo vetëm kryeqytetin Tiranë, por edhe jugun dhe verilindjen e vendit.
Gastronomia shqiptare është një tjetër surprizë e këndshme. Ushqimet tradicionale si tavë dheu, sallata fshati dhe pogaçat e shijshme janë të pakrahasueshme, ndërsa bregdeti ofron peshk të freskët dhe detarë me çmime shumë të arsyeshme.
Vizitat në bunkerët nga koha e regjimit komunist, të shndërruar në muze si Bunk’Art 1 dhe 2 në Tiranë, japin një pasqyrë unike historike. Po ashtu, qytetet historike si Gjirokastra dhe Berati, të njohura për arkitekturën e rrallë, janë vende që nuk duhet të humbasin udhëtarët.
Përkundër plazheve të bukura përgjatë Rivierës Shqiptare, Heëett këshillon që të shmangen disa zona si Ksamili, i mbipopulluar tej mase gjatë verësdhe ujë të ndotur. Në anën tjetër, Himara dhe Dhërmiu janë zgjedhje të preferuara për ata që kërkojnë qetësi dhe natyrë të paprekur.
Shqiptarët vendas, pas periudhës së izolimit deri në vitin 1991, janë sot shumë të mirëpritur ndaj turistëve dhe ndihen krenarë kur vizitorët vijnë nga vende të largëta si Australia.
Në përfundim, Shqipëria po bëhet një perlë e re europiane që ofron eksperienca të papërsëritshme me një miks të pasur kulturor, historik dhe natyror, një destinacion që ia vlen të zbulohet! /Skyweb.al
