Forcat Ajrore të Shteteve të Bashkuara kanë filluar ndërtimin e avionit të parë F-47, një avion luftarak gjeneratë e gjashtë që po prodhohet nga kompania Boeing. Shefi i Shtabit të Përgjithshëm të Forcave Ajrore, gjenerali David Allvin, njoftoi se avioni pritet të kryejë fluturimin e parë në vitin 2028.
F-47, i njohur më parë si Next Generation Air Dominance (NGAD), është projektuar për të zëvendësuar flotën F-22 Raptor dhe për të ruajtur epërsinë ajrore të SHBA-ve për dekadat e ardhshme.
Ai pritet të ketë:
Teknologji të avancuar për fshehtësi
Shpejtësi mbi Mach 2 (rreth 2,400 km/orë),
Rreze veprimi mbi 1,000 milje,
Integrim me dronë luftarakë autonomë që do të fluturojnë krah tij.
Sipas planeve, Forcat Ajrore të SHBA-së synojnë të blejnë të paktën 185 avionë F-47, duke e bërë këtë flotë më të madhe se ajo aktuale e F-22-ve.
Allvin theksoi se ky avion nuk është thjesht një modernizim, por një platformë që do të garantojë dominimin e qiellit në çdo konflikt të mundshëm.
“Nuk mjafton të tregosh forcë, duhet t’i bësh kundërshtarët të kuptojnë se mund t’i mposhtësh,” u shpreh ai.
Entuziazmi për projektin është i madh edhe brenda Boeing.
Në një video të shfaqur gjatë konferencës, punëtorët në linjën e prodhimit në St. Louis festonin momentin kur mësuan se kompania e tyre do të ndërtonte avionin e ri.
Me hyrjen në shërbim pas vitit 2030, F-47 do të jetë baza kryesore e fuqisë ajrore amerikane, duke kombinuar shpejtësinë supersonike, fshehtësinë dhe inteligjencën artificiale në një sistem të integruar për dominim global në qiell. /skyweb.al
