Europa rrezikon të humbasë kontrollin mbi infrastrukturën e internetit, për shkak të varësisë së tepruar nga kompanitë teknologjike amerikane, paralajmëroi shefi i sigurisë kibernetike në Belgjikë, sipas një artikulli të Financial Times.
Autoritetet europiane të sigurisë dixhitale kanë shprehur shqetësim se vendet e Bashkimit Europian janë duke u bërë gjithnjë e më të ndjeshme ndaj rreziqeve që lidhen me kontrollin dhe mbrojtjen e rrjetit global të internetit, veçanërisht për shkak të dominimit të infrastrukturës dhe shërbimeve të ofruara nga gjigantët e teknologjisë me bazë në Shtetet e Bashkuara.
Zyrtarët paralajmëruan se kjo varësi mund të dobësojë sovranitetin digjital të Europës dhe të ekspozojë sistemet kritike ndaj sulmeve kibernetike apo trysnisë politike. Diskutimet për rolin e Europës në menaxhimin e rrjetit dhe përpjekjet për të forcuar kapacitetet e brendshme vazhdojnë ndërkohë që institucionet përpiqen të gjejnë ekuilibrin mes sigurisë dhe inovacionit.
Autoritetet evropiane të sigurisë kibernetike, duke përfshirë zyrtarë nga vendet anëtare, janë duke u përpjekur të rrisin bashkëpunimin dhe investimet në teknologji lokale për të zvogëluar varësinë nga infrastruktura e huaj, por sfidat mbeten të mëdha për shkak të fuqisë së tregut dhe ndikimit global të kompanive amerikane të teknologjisë. /skyweb.al
