Prokuroria e Posaçme ka paraqitur prova të reja para Apelit të GJKKO-së për dosjen e skandalit të Agjencisë Kombëtare të Shoqërisë së Informacionit, ndërsa vendimi pritet të jepet të enjten, më datë 5 shkurt.
Gjatë seancës gjyqësore, prokurori i SPAK Bledar Maksuti ka kërkuar që të lihet në fuqi masa e mëparshme e sigurisë, ndërsa Apeli i Posaçëm ka vendosur shtyrjen e shpalljes së vendimit për në datën 5, për të patur kohë për shqyrtimin e materialeve të paraqitura.
Provat e reja të administruara në këtë fazë përbëhen nga deklarime të personave të marrë në pyetje nga Prokuroria e Posaçme dhe, nga përmbajtja e tyre, duket se forcojnë më tej akuzat e ngritura në këtë çështje.
Në dosjen hetimore, SPAK ka provuar se Mirlinda Karçanaj ka kryer veprën penale të shkeljes së barazisë së pjesëmarrësve në tendera dhe ankande publike, në kuadër të grupit të strukturuar kriminal, në bashkëpunim me Hava Delibashin nën koordinimin e Beqirit dhe Agasit.
Hetimet lidhen me procedura tenderuese të zhvilluara pranë Agjencia Kombëtare e Shoqërisë së Informacionit.
Për këtë dosje janë shpallur në kërkim edhe biznesmenët Ermal Beqiri dhe Ergys Agasi, të dyshuar për përfshirje në skemën e hetuar nga Prokuroria e Posaçme.
Vendimi për masat e sigurisë do të merret nga GJKKO, ndërsa çështja e AKSHI-t vijon të mbetet një nga dosjet më të ndjeshme në hetim nga drejtësia e posaçme. /skyweb.al
