Pilotët dhe stafi i kabinës së Lufthansës kanë nisur një grevë 24-orëshe. Aksioni, që filloi një minutë pas mesnatës dhe do të zgjasë gjatë gjithë ditës, përfshin fluturimet e Lufthansa-s dhe Lufthansa CityLine. Si pasojë, qindra fluturime janë anuluar.
Kompania ajrore gjermane ka bërë të ditur se do të ndihmojë pasagjerët e prekur, duke i transferuar në fluturime të tjera dhe, për udhëtimet brenda Gjermanisë, duke i orientuar drejt shërbimeve hekurudhore të Deutsche Bahn.
Rreth 4 800 pilotë janë përfshirë në grevë, duke kërkuar rritje të përfitimeve të pensionit. Megjithatë, bordi drejtues i kompanisë e ka cilësuar nismën e sindikatës UFO si “një përshkallëzim të panevojshëm”. /skyweb.al
