Tregjet financiare ndërkombëtare reaguan me luhatje të forta pas zhvillimeve të fundit politike në SHBA, ku lëvizjet e ish-presidentit Donald Trump shtuan pasigurinë tek investitorët. Dollari amerikan humbi terren përballë valutave kryesore, ndërsa bursat shënuan rënie të ndjeshme.
Indekset kryesore në Shtetet e Bashkuara të Amerikës, përfshirë S&P 500 dhe Nasdaq Composite, u mbyllën në territor negativ, të ndikuara nga shqetësimet për ndikimin e masave të reja tregtare dhe tensioneve ekonomike.
Pasiguria në tregje shtyu investitorët drejt aseteve më të sigurta. Çmimi i arit u rrit ndjeshëm, duke reflektuar kërkesën në rritje për instrumente mbrojtëse në kohë paqartësie ekonomike. Ari tradicionalisht konsiderohet një “strehë e sigurt” kur tregjet e kapitalit dhe monedhat përballen me presion.
Analistët theksojnë se luhatjet e fundit tregojnë një klimë të brishtë besimi në tregjet globale, ku çdo sinjal për përshkallëzim të politikave proteksioniste mund të ndikojë drejtpërdrejt në valutë, aksione dhe mallra të çmuara./skyweb.al
