Dollari amerikan ka pësuar një rënie të ndjeshme këtë mëngjes krahasuar me një ditë më parë, duke humbur rreth 1 pikë. Ai blihet sot me 80.7 lekë dhe shitet me 82 lekë.
Ndërkohë, euro ka mbetur pothuajse në të njëjtat nivele, pa luhatje të konsiderueshme nga dita e djeshme. Ajo blihet me 95.3 lekë dhe shitet me 96.1 lekë, sipas kursit të këmbimit vendas.
Franga zvicerane ka shënuar rritje të dukshme këtë të martë, duke u blerë me 103.1 lekë dhe shitur me 104.1 lekë, në krahasim me një ditë më parë.
Edhe paundi britanik ka ndjekur të njëjtin trend rritës, duke u blerë me 109.1 lekë dhe shitur me 110.1 lekë në tregun e brendshëm valutor.
