Shoqata e Aeroporteve Gjermane ka paralajmëruar se mungesa e karburantit për avionë mund të sjellë anulime fluturimesh dhe rritje të çmimeve të biletave në periudhën e ardhshme.
Drejtori ekzekutiv i ADV-së, Ralph Beisel, deklaroi për gazetën gjermane Welt se linjat ajrore me kosto të ulët dhe destinacionet më pak të frekuentuara turistikisht rrezikojnë të preken më shumë nga shkurtimi i fluturimeve.
Sipas tij, në skenarin më optimist për vitin 2026, trafiku i pasagjerëve do të mbetet në nivelet aktuale, ndërsa në variantin më negativ disa aeroporte mund të humbasin deri në 10% të kapacitetit, duke ndikuar te rreth 20 milionë pasagjerë.
ADV thekson se lufta në Iran po vështirëson transportin e naftës përmes Ngushtica e Hormuzit, çka ka sjellë rritje të ndjeshme të çmimeve të kerosenit dhe anulime të disa fluturimeve nga kompanitë ajrore.
Sipas Beisel, çmimi i karburantit për avionë ka qenë dy herë më i lartë se para nisjes së konfliktit dhe nuk pritet të ketë normalizim të situatës në muajt e ardhshëm. Ai paralajmëroi se edhe në rast se furnizimi me karburant vazhdon, shumë kompani ajrore do ta kenë të vështirë të operojnë me fitim për shkak të kostove të larta./skywe.al
