Një nga risitë më të pazakonta vjen në botën e makinave. Polestar 4, e cila nuk ka fare xham të pasmë dhe as pasqyrë tradicionale qendrore.
Në vend të tyre, makina përdor një kamerë të vendosur në pjesën e pasme dhe një ekran brenda kabinës që tregon pamjen prapa në kohë reale. Kjo është një shkëputje e madhe nga dizajni klasik i automjeteve, ku xhami i pasmë ka qenë standard për dekada.
The Wall Street Journal shkruan në një artikull se ky vendim vjen si pjesë e një qasjeje më futuriste në dizajn: çatia prej xhami e makinës bashkohet me pjesën e pasme, duke eliminuar plotësisht hapjen tradicionale të “backlight”-it. Kjo i jep makinës një formë më aerodinamike dhe një pamje më të pastër vizualisht.
Brenda, hapësira pas sediljeve të pasme duket si një zonë e errët dhe e mbyllur, duke krijuar një ndjesi të pazakontë për pasagjerët dhe shoferin, që nuk kanë më kontakt të drejtpërdrejtë vizual me pjesën e pasme të rrugës.
Recensuesi vëren se ideja është interesante dhe teknologjikisht moderne, por ngre edhe pyetje praktike: sa shpejt do të mësohen shoferët me mungesën e shikimit direkt prapa dhe sa e besueshme është vetëm një kamerë për këtë funksion të rëndësishëm.
Në thelb, Polestar 4 po teston kufijtë e asaj që konsiderohet “normale” në një makinë, dhe po sfidon idenë nëse një dritare e pasme është ende e nevojshme në epokën e kamerave dhe ekraneve. /skyweb.al
