Dhërmiu po vijon të konfirmohet si një prej pikave më tërheqëse turistike të Rivierës Shqiptare gjatë sezonit veror. Në kuadër të rubrikës “Shqipëria e bukur”, kryeministri Edi Rama publikoi në rrjetet sociale pamje nga ky destinacion bregdetar, duke i bërë thirrje turistëve vendas dhe të huaj ta zgjedhin për pushimet e verës.
I njohur për plazhet me ujë të kristaltë, gjiret panoramike dhe atmosferën e gjallë turistike, Dhërmiu mbetet një nga destinacionet më të preferuara në Europë. Bukuritë natyrore dhe peizazhi karakteristik i zonës kanë bërë që ai të marrë vlerësime të shumta edhe nga mediat ndërkombëtare.
Shumë media të huaja e përshkruajnë Dhërmiun si “perlën e Rivierës Shqiptare”, duke nxjerrë në pah natyrën e paprekur, traditën dhe trashëgiminë kulturore që e karakterizon.
