Bashkimi Europian ka miratuar një tjetër paketë mbështetjeje për Forcat e Armatosura të Shqipërisë në kuadër të mekanizmit “European Peace Facility”.
Ministria e Mbrojtjes, nëpërmjet një njoftimi në Facebook bën me dije se Këshilli i Bashkimit Europian ka dhënë dritën jeshile për paketën e tretë të asistencës me vlerë 21 milionë euro, duke e çuar në 49 milionë euro mbështetjen totale për Shqipërinë.
“Lajm i mirë nga BE!
Një tjetër mbështetje e rëndësishme për Forcat e Armatosura të Shqipërisë.
Këshilli i Bashkimit Evropian miratoi paketën e tretë të asistencës për Shqipërinë në kuadër të “European Peace Facility”, me vlerë 21 milionë euro, duke e çuar mbështetjen totale në 49 milionë euro.
Paketa përfshin mjete të blinduara të lehta, mjete taktike dhe inxhinierike, si edhe trajnim dhe mbështetje operacionale për FARSH.
Ky është një vlerësim konkret për seriozitetin, besueshmërinë dhe rolin aktiv të Shqipërisë krah aleatëve dhe partnerëve evropianë në siguri dhe mbrojtje”, shkruhet në njoftimin e ministrisë.
