Kryeministri Edi Rama ka treguar momentin kur, sipas tij, do të largohet nga politika dhe nga drejtimi i qeverisë.
Duke folur në podcastin e tij “Flasim”, Rama deklaroi se nuk synon të qëndrojë në pushtet pafundësisht apo të bëhet “mbret”.
Ai e lidhi vijimin e angazhimit të tij politik me anëtarësimin e Shqipërisë në Bashkimin Evropian.
Kryeministri u shpreh se do të largohet pasi vendi të kapërcejë pragun e BE-së.
“Unë nuk jam këtu për t’u bërë mbret ose për të qëndruar në pafundësi. Unë jam këtu vetëm sepse e shoh të hapur derën e Bashkimit Evropian dhe në momentin që unë, me ndihmën e Zotit dhe të shqiptarëve, e kapërcej pragun e asaj dere, ju do të shpëtoni nga unë”, deklaroi Rama.
