Gjatë prezantimit, kreu i qeverisë e cilësoi platformën si një “urë të hapur 24 orë”, përmes së cilës qytetarët do të mund të shkëmbejnë informacione dhe opinione. Sipas Ramës, për këtë proces do të angazhohet një skuadër e dedikuar, e cila do të garantojë funksionimin e komunikimit.
Kryeministri argumentoi se përpjekjet për dialog janë penguar nga presioni, kërcënimet dhe dhuna, ndërsa platformën e paraqiti si një mundësi për të vijuar komunikimin.
“Faqja është gati. Kushdo të komunikojë, për të hyrë në një dialog në kushtet kur vijnë nga një sfond protestash, përshkallëzimesh, dhune, presioni, kërcënimi, përpjekjesh për ta penguar me çdo kusht dialogun. Kjo është ura që është ngritur për ju. Një urë funksionale. Një urë e hapur 24 orë, ku patjetër një skuadër e dedikuar do të garantojë gjithë qarkullimin e informacionit dhe të opinioneve që shkëmbehen. Kështu jemi në kushtet kur në këtë fazë, se më vonë do të shkrihen edhe akujt e vendosur artificialisht nga ata që mendojnë se mund t’i imponohen shoqërisë, bashkëjetesës demokratike”, tha Rama. /skyweb.al
