Aeroporti Ndërkombëtar i Tiranës ka mirëpritur sot fluturimin e parë të kompanisë “Jordan Aviation” nga Amani, duke shënuar një tjetër hap në zgjerimin e lidhjeve ndërkombëtare të Shqipërisë dhe promovimin e saj si destinacion turistik.

Linja e re ajrore mes Shqipërisë dhe Jordanisë hap mundësi të reja udhëtimi për qytetarët dhe turistët nga të dy vendet. Qytetarët shqiptarë që dëshirojnë të vizitojnë Lindjen e Mesme do ta kenë më të lehtë aksesin drejt Jordanisë, ndërkohë që turistët jordanezë do të kenë rastin të eksplorojnë natyrën, kulturën dhe mikpritjen e veçantë shqiptare.

TIA e konsideron këtë zhvillim si një hap të rëndësishëm në forcimin e rolit të aeroportit si një nyjë rajonale lidhëse dhe në rritjen e potencialit turistik të Shqipërisë.

Me këtë destinacion të ri, Tirana International Airport vazhdon të zgjerojë hartën e destinacioneve, duke ofruar gjithnjë e më shumë mundësi për pasagjerët vendas dhe të huaj. /skyweb.al