Euro është duke u zhvlerësuar ndjeshëm në raport me lekun gjatë ditëve të fundit duke ndjekur një trend të gjatë që ka nisur prej të paktën dy vitesh.
Sipas të dhënave të Bankës së Shqipërisë, një euro u ble sot me 97.59 lekë si kurrë më parë në tregun shqiptar.
Këto janë treguesit mesatarë nga 12 banka në vend, të cilat BSH i mbledh për të nxjerrë kursin zyrtar të këmbimit, ndërkohë që sipas vëzhgimeve të ditës së sotme në treg nga Skyweb.al, një euro u ble sot nëpër pikat e këmbimit valutor me më pak se 97 lekë duke konfirmuar rënien drastike të monedhës europiane ndaj lekut.
Shkaku i këtij kursi vjen për shkak të faktorëvë të jashtëm, siç janë presionet ndaj ekonomisë së BE si edhe vendimit i BQE për të ulur normën bazë të interesit, ndërkohë që faktorë të brendshëm mund të merret në konsideratë efekti i sezonit turistik si edhe fluksi i madh i euros që futet prej kohësh në treg nga burime të padeklaruara.
Ka raportime të vazhdueshme si nga Departamenti Amerikan i Shtetit si edhe aktorë të tjerë që flasin për një skemë gjigante pastrimi parash në vend, e pasqyruar në sektorin e ndërtimit, e cila ndikon në mënyrë të drejtpërdrejtë edhe kursin e këmbimit. /skyweb.al
