Një sipërfaqe e vogël toke në Kalabri, mes kodrave dhe detit të ngushticës së Mesinës, prodhon mbi 90 për qind të bergamotit në botë.
Ky agrum i veçantë, që kultivohet vetëm nga Villa San Giovanni deri në Roccella Jonica, është përbërësi që i jep çajin “Earl Grey” aromën karakteristike dhe që gjendet në formulën e parfumit të famshëm Chanel No. 5, si dhe në dhjetëra aroma të tjera të njohura.
Bergamoti i Kalabrisë kultivohet në një sipërfaqe prej 1 500 hektarësh në fushën e Reggio Calabrias.
Përpjekjet për ta rritur në vende të tjera, si Sicilia, Franca apo Afrika, kanë dështuar.
Sekreti qëndron në mikroklimën e veçantë: era e detit që përzihet me ajrin e maleve, dielli me këndin e duhur dhe toka me një përbërje të rrallë mineralesh.
Kjo kombinim i pazëvendësueshëm e ka bërë bergamotin kalabrez produkt me Denominim Origjine të Mbrojtur (DOP).
Çdo herë që dikush hap një parfum francez ose përgatit një filxhan çaj anglez, po thith në fakt edhe aromën e kësaj toke të vogël, shpesh të harruar, por që në realitet parfumos gjithë botën.
Duke u kthyer në një simbol të identitetit lokal dhe një pasuri ekonomike të paçmuar, bergamoti mbetet ambasadori më i fuqishëm i Kalabrisë në tregjet ndërkombëtare./skyweb.al
