Një fluturim nga Cardiff drejt Qipros u detyrua të devijojë drejt aeroportit të Birmingham pas një problemi me motorin pak pas ngritjes. Pasagjerët ndjenë dridhje, dëgjuan një zhurmë dhe ndjenë një erë djegieje nga ana e majtë e avionit. Avioni Boeing 737, i operuar nga Tui, po ngjitej në lartësi kur u godit nga një zog, raporton BBC, shkruan Skyweb.al.
Fillimisht, avioni u rrotullua mbi Gjirin e Sëansea, më pas mori drejtimin për në Birmingham. Kapiteni i avionit njoftoi pasagjerët për një “dështim të motorit” dhe devijimin për në aeroportin më të afërt, duke shkaktuar shqetësim dhe tronditje tek udhëtarët.
Avioni u ul në mënyrë të sigurt në Birmingham, ku u prit nga zjarrfikës dhe shërbime emergjente. Operatorja Tui konfirmoi më pas se nuk kishte pasur dështim të motorit, por devijimi ishte bërë për shkak të goditjes nga zogu. Të gjithë pasagjerët dhe ekuipazhi u zbarkuan pa probleme. /Skyweb.al
