Platforma kineze e shitjeve online “Temu” rezulton aplikacioni më i shkarkuar në Shqipëri. Shqiptarët kanë ndjekur të njëjtën tendencë si pjesa më e madhe e vendeve europiane gjatë vitit 2024, që gjithashtu kanë zgjedhur këtë aplikacion për të bërë blerje të ndryshme.
Të dhënat e publikuara nga Maps Interlude tregojnë se platforma kineze ka dominuar tregun europian. Kjo për shkak të ofertave dhe çmimeve të ulëta, duke bërë që një numër i lartë përdouesish të tërhiqen për të shpenzuar në këtë platformë.
Sipas të dhënave mijëra pako në ditë tërheqin qytetarët shqiptarë dhe asktualisht kjo platform përbën 1/3 e tregut të dërgesave online.
Temu është një platformë shitjesh online në pronësi kineze, i lançuar në vitin 2022, që ofron një gamë të gjerë produktesh, nga moda dhe elektronika deri tek artikujt për shtëpinë, me çmime të ulëta.
Në Europë, “Temu” rezulton aplikacioni më i përdorur thuajse në të gjitha vendet e mëdha si Franca, Gjermania, Italia dhe Spanja. Italianët kanë zgjedhur një tjetër platform kineze Tik Tok, i cili rezulton më i shkakrkuar. Në Belgjikë “Klarna”, ndësra zvicerianët dhe austriakët janë më të fokusuar tek inteligjenca artificiale, ku ChatGPT rezulton më i përdoruri.
Sipas të dhënave, në 11 vende të Europës “Temu” është aplikacioni më i përdorur dhe në 11 vende të tjera kanë shkarkuar “Chat GPT”, i cili gjithashtu është bërë mjaft popullor, pasi u lancua nga “OpenAI” në vitin 2022. /Skyweb.al
